काठमाडौं । अहिले यतिखेर देशमा कुनै उल्लेखनीय मौसमी प्रणाली छैन। हाल प्रदेश १ र प्रदेश २ का केही भू–भागमा आंशिक बदली रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।

महाशाखाका अनुसार आज दिउँसो प्रदेश १, प्रदेश २ र बागमती प्रदेशमा आंशिक बदली रही अन्य भू–भागमा मौसम सामान्यतया सफा रहनेछ।

आज राति प्रदेश १, प्रदेश २, बागमती प्रदेश र गण्डकी प्रदेशमा आंशिक देखि सामान्य बदली रहने छ ।  प्रदेश १ र प्रदेश २ का एक दुई स्थानमा हल्का वर्षाको सम्भावना रहेको छ भने बाँकी भू–भागमा मौसम सफा रहने महाशाखाले जनाएको छ ।