काठमाडौं । लिभरपुल एफए कपको चौथो चरणमा प्रवेश गरेको छ ।
गएराति भएको खेलमा एष्टन भिल्लामाथि ४–१ गोलअन्तरको जित निकालेर लिभरपुल अघिल्लो चरणमा प्रवेश गरेको हो ।
अवे मैदानमा भएको खेलमा लिभरपुलले पहिलो हाफमा एक तथा दोस्रो हाफमा तीन गोल गरेको हो ।
उसका लागि साडिओ मानेले चौथो र ६३ औँ मिनेटमा गोल गरे ।
यस्तै जर्जिनिओ विनाल्डमले ६० औँ तथा मोहम्मद सालहले ६५ औँ मिनेटमा गोल गरे ।
एस्टन भिल्लाका लागि १७ वर्षे किशोर लुई ब्यारीले ४१ औँ मिनेटमा एक गोल फर्काएका थिए ।
अर्को खेलमा क्रिष्टल प्यालेसलाई १–० ले पराजित गरेको वुल्भ्स पनि चौथो चरणमा प्रवेश गरेको छ ।
कोरोनाका कारण अधिकांश खेलाडी आइसोलेसनमा रहेकाले एष्टन भिल्लाले नयाँ अनुहारलाई मैदानमा उतारेको थियो ।
सत्यपाटी ।