काठमाडौं । पाँचथरको सदरमुकाम फिदिमस्थित सडक विभाग छेउमा पिकअप दुर्घटना हुँदा एकजनाको मृत्यु भएको छ। दुर्घटनामा दुईजना गम्भीर घाइते भएका छन्।

पाँचथरका प्रहरी प्रमुख डीएसपी दानबहादुर थापाका अनुसार फिदिम नगरपालिका-१ का २० वर्षीय अर्जुन शंकरको दुर्घटनामा मृत्यु भएको छ।  झापा बिर्तामोडका अर्जुन मगर र चालक धरानका पार्वत गुरूङ गम्भीर घाइते भएका छन्।

फिदिमदेखि जोरसालतर्फ जाँदै गरेको बा. १९ च ५७३६ नम्बरको पिकअप हिजो राति ८ बजे दुर्घटना भएको हो।  तीब्र गतिका कारण दुर्घटना भएको हुनसक्ने प्रहरीको अनुमान छ।