काठमाडौं ।  बितेका २४ घण्टामा विश्वभर २ लाख ७५ हजार कोरोनाभाइरस संक्रमित थपिएका छन् ।

यो अवधिमा अमेरिका र भारतमा मात्रै एक लाख संक्रमित थपिएको विश्व स्वास्थ्य संगठनले जनाएको छ । अमेरिकामा ४५ हजार ७९१ र भारतमा ५४ हजार २६५ जना संक्रमित फेला परेका हुन् ।

हालसम्म विश्वभर कुल संक्रमितको संख्या तीन करोड ८० लाख ३१ हजार नाघेको छ । अमेरिका र भारतमा मात्रै डेढ करोड संक्रमित छन् । अमेरिकामा ८० लाख ३७ हजार र भारतमा ७१ लाख ७३ हजार संक्रमित छन् ।

कोरोना संक्रमणबाट विश्वभर १० लाख ८५ हजार ३५२ जनाको मृत्यु भइसकेको छ । त्यसमध्ये अमेरिका, भारत र ब्राजिलमै करिब आधा अर्थात् ४ लाख ८० हजार जनाले ज्यान गुमाएका छन् ।