काठमाडौं । नेपालमा कोरोना भाइरसका दुई हजार १२० जना सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १२ हजार ९७८ जनाको पीसीआर परीक्षण गरिएको छ । जसमा दुई हजार १२० जनामा सङ्क्रमणको पुष्टि भएको हो ।

स्वास्थ्य तथा जनसंख्या मन्त्रालयले आफ्नो नियमित प्रेस ब्रिफिङका क्रममा थपिएका सङ्क्रमितसँगै नेपालमा कुल सङ्क्रमित ८४ हजार ५७० पुगेको छ । हाल २१ ह्जार ३०२ जनामा भाइरसको सङ्क्रमण सक्रिय रहेको छ । मन्त्रालयले पछिल्लो २४ घण्टामा दुई हजार ४४ जना कोरोना सङ्क्रमित निको भएर घर फर्केका जनाएको छ ।

हालसम्म ६२ हजार ७४० सङ्क्रमित निको भएर घर फर्केका छन् । त्यसैगरी, पछिल्लो चौबीस घण्टामा आठ जना सङ्क्रमितको मृत्यु भएको छ । यो सँगै कोरोनाभाइरसबाट मृत्यु हुनेको संख्या ५२८ पुगेको छ ।