काठमाडौं ।  लगातार वर्षापछि पहिरोले घर भत्किएर स्याङजामा एक जनाको मृत्यु भएको छ । वालिङ नगरपालिका–१४ मा रहेको माया परियारको घर भत्किएको हो ।

घर माथिबाट पहिरो निरन्तर झरेकाले आठ जनाको उद्धारमा कठिनाइ भएको स्थानीयले बताएका छन् । गएराति नै स्याङजाको कालीगण्डकी गाउँपालिका ४ मा समेत पहिरोले एकजनाको मृत्यु भएको छ ।

सुतिरहेको बेला पहिरो खसेर विष्णु परियारको मृत्यु भएको प्रहरीले बताएको छ । घटनाको थप विवरण आइनसकेको प्रहरीको भनाइ छ ।