एजेन्सी । यूईएफए नेसन्स लिगमा आज (बिहीबार)  स्पेन र जर्मनी भिड्ने भएका छन् । खेल जर्मनीको मर्सिडिज बेन्ज अरिनामा नेपाली समयअनुसार राती साढे १२ बजे सुरु हुनेछ ।

यूईएफए नेसन्स लिगको दोस्रो संस्करण यसै साताबाट सुरु भएसँगै अन्तर्राष्ट्रिय फुटबलको सुरु हुनेछ । यूईएफए नेसन्स लिग २०२०-२१ को छनोट खेल बिहीबार सुरु भएसँगै १० महिनाको ब्रेकपछि अन्तर्राष्ट्रिय फुटबल सुरु हुन लागेको हो ।

समूह डीमा रहेका दुवै टोली सुरुवाती खेलमा जित निकाल्दै सुखद सुरुवात गर्न चाहन्छन् । तर, समूहकै बलिया मानिएका यी दुवै टोलीलाई एक-अर्काविरुद्ध जितका त्यति सहज भने हुने छैन ।

त्यस्तै यसै समूहको अर्को खेलमा युक्रेनले स्विट्जरल्यान्डको समना गर्नेछ । खेल नेपाली समयअनुसार राति साढे १२ बजेबाट युक्रेनको एरिन एलभीआईभीमा सुरु हुनेछ ।

युईएफए नेसन्स लिग बी अन्तर्गत आज टर्कीले हङ्‍गेरीको सामना गर्दै छ । खेल नेपाली समयअनुसार राति साढे १२ बजेबाट टर्कीको आइलुल स्टेडाइमु स्टेडियममा हुनेछ दोस्रो खेलमा रुसले सर्बियाको सामना गर्नेछ ।

खेल रुसको लेभ यासिन रंगशाला नेपाली समयअनुसार राति साढे १२ बजे सुरु हुनेछ । त्यस्तै तेस्रो खेलमा फिनल्यान्डविरुद्ध वेल्स मैदानमा उत्रिनेछ । यो खेल फिनल्यान्डको हेल्सिन्की ओलम्पिक रंगशालामा नेपाली समयअनुसार राति साढे १२ बजे हुनेछ ।

चौथो खेलमा भने बुल्गेरियाविरुद्ध आयरल्यान्डले खेल्नेछ । खेल नेपाली समयअनुसार राति साढे १२ बजेबाट बुल्गेरियाको भासिल लेभ्स्की राष्ट्रिय रंगशालामा सुरु हुनेछ ।