काठमाडौँ । पोखरा–खैरेनी आवतजावत हुने तनहुँको बन्दीपुर गाउँपालिका–१ घाँसीकुवा नहाला सडकमा पहिरो जाँदा पृथ्वी राजमार्ग अवरुद्ध भएको छ । सडक भासिएसँगै कुनै पनि सवारी सधान चलेको छैन ।

मंगलबार बिहान ८ बजेतिर सडकको पक्की भाग पुरै भासिएको बन्दीपुर गाउँपालिकाका अध्यक्ष पूर्ण सिंह थापाले रातोपाटीलाई जानकारी दिए ।

हाल उक्त स्थानमा अर्को नयाँ ट्रयाक खोलेर बाटो सञ्चालनमा ल्याउने तयारी भइरहेको समेत उनले बताए । यद्यपी पहिरोले कुनै क्षति भने भएको छैन ।