बाँके । बाँके डुडुवा गाउँपालिका अन्तरगत रहेका ८ जना कोरोना संक्रमितहरु निको भएर घर फर्किएका छन । डुडुवा गाउँपालिका वार्ड नं. ४ शाहपुर्वा क्वारेन्टाइनमा रहेका ८ जनाको रिपोर्ट नेगेटिभ आएपछि घर पठाइएको हो ।

कोरोना भाइरसको संक्रमण देखिएपछि १८ औ दिनमा उनीहरुलाई गाउँपालिका अध्यक्ष नरेन्द्रकुमार चौधरी, स्वास्थ्य शाखा संयोजक धनबहादुर बुढाले स्वास्थ्य परामर्श दिई विदाई गरेका थिए । डुडुवा गाउँपालिकामा कुल २५ जना कोरोना संक्रमित रहेका छन । ८ जना घर फर्किएपछि अहिले १७ जना अझै आइसोलेशन वार्डमा रहेका छन् ।