बाँके । विश्वव्यापी महामारीका रुपमा फैलिएको कोरोना भाइरसको संक्रमणदर झनझन आक्रामक दरले बढिरहेको छ । बितेको २४ घण्टामा मात्रै यो भाइरसका ६० हजार ६६३ जना नयाँ संक्रमित फेला परेका छन् । विश्वभर पाँच लाख ३१ हजार ६९८ जनालाई कोरोना भाइरसले आफ्नो चपेटामा पारेको छ ।

तीमध्ये २४ हजार ७० जनाको मृत्यु भएको छ भने तीन लाख ८३ हजार ७०० जना उपचाररत छन् । बितेको २४ घण्टामा मात्रै २ हजार ७८८ जनाको मृत्यु भएको हो । उपचाररत मध्ये १९ हजार ३५७ जनाको अवस्था गम्भीर छ । हालसम्म १ लाख २३ हजार ९२८ जना उपचारपछि निको भएर घर फर्केका छन् ।