जाजरकोट । जाजरकोटमा बन्दै गरेको घर भत्किँदा कुशे गाउँपालिका ६ छहरा गाउँमा एक महिलाको ज्यान गएको छ । घर भत्किँदा शुक्रबार साँझ कुशे गाउँपालिका–३, की ४८ वर्षीया दुर्गा बुढाको ज्यान गएको हो । गाउँमा बन्दै गरेको घर भत्किँदा मृतक बुढा पूर्णरुपमा पुरिएको उनका श्रीमान दधिमल बुढाले जानकारी दिए ।
बेलुकीपख घर भत्किएपछि गाउँमा वरपरबाट सहयोग गर्ने कोही नहुँदा तत्काल उद्धार गर्न नसकिएकोले दुर्घटना स्थलमा नै ज्यान गएको स्थानीयले बताएका छन् । बेलुकाको समयमा घर भत्किएपछि घरहरु टाढाटाढा हुने समस्या र बेलुकाको समयमा टेलिकमको मोवाइल सेवासमेत अवरुद्ध हुने भएकोले बिहान मात्रै खबर पाएको गाउँलेहरुले बताएका थिए ।
त्यस्तै दुर्गाकी नातिनी ६ वर्षिया कल्पना बुढा सामान्य घाइते भएकी छिन् । घाइतेको स्थानीय मेडिकलमा उपचार भैरहेको छ । कुशे गाउँपालिका–३, का बुढाका परिवार वडा नम्बर–६, छहरगाउँमा नयाँ घर बनाउँदै थिए ।