कैलाली । जिल्ला प्रहरी कार्यालय कैलालीले गोरु हत्या गर्ने तीन जनालाई पक्राउ गरेको छ । मङ्गलवार देउसरी सार्कीको गोरु मारेको भन्दै प्रहरीले २० वर्षीय यज्ञ सार्की, २२ वर्षीय प्रकाश सार्की र २० बर्षकै देब सार्कीलाई पक्राउ गरेको हो ।

गोरुलाई चराउन जङ्गलतर्फ छोडी दिन भनी उनीहरूले धारिलो हतियार प्रयोग गरी गोरु मारेको जिल्ला प्रहरी कार्यालयका कैलालीका प्रहरी नायव उपरीक्षक दक्ष बस्नेतले बताए । सरस्वती सामुदायिक वनमा गोरु मरेको अवस्थामा फेला परेपछि उनीहरू पक्राउ परेका हुन् । उनीहरूलाई पशुपंक्षी सम्बन्धी कसुरमा मुद्दा दर्ता गरिएकको प्रहरीले जनाएको छ ।

यसैबीच, कैलाली प्रहरीले मोटरसाइकल चोरीमा संलग्न दुई जनालाई पक्राउ गरेको छ । गोदावरी नगरपालिका–३ का टेक कुँवरको मोटरसाइकल चोरेको आरोपमा गोदावरी नगरपालिका–२ का २४ वर्षीय कृष्ण विक र डोटीको पूर्वी चौकी गाउँपालिका–४ का २२ वर्षीय युवराज खड्कालाई प्रहरीले पक्राउ गरेको हो ।

से ६ प ६६१४ नम्बरको मोटरसाइकल चोरी गरेर लैजाँदै गरेको अवस्थामा उनीहरू पक्राउ परेको जिल्ला प्रहरी कार्यालयले जनाएको छ । पक्राउ परेका दुवैजनाविरुद्ध मोटरसाइकल चोरी शीर्षकमा मुद्दा दर्ता गरेको छ । अदालतबाट ७ दिनको म्याद थप लिई अनुसन्धान भइरहेको प्रहरीले जनाएको छ ।