कैलाली । कैलालीको अत्तरियाबाट ७ किलो चरेश सहित चारजना पक्राउ परेका छन् । दार्चुला मार्मा गाउँपालिका–१ घर भई गोदावरी–२ मा डेरा गरी बस्दै आएका जसमल सिंह ठगुन्नालाई गोदावरी नगरपालिका–२ को एक घरको कोठामा लुकाएर राखेको सात किलो चरेशसहित पक्राउ गरेको हो ।

त्यस्तै पक्राउ पर्नेमा कोठावाला ठगुन्ना र मार्मा गाउँपालिका १ कै वकिल सिह ठगुन्ना, जीवन पहि ठगुन्ना र अपीहिमाल गाउँपालिकाका हिक्मत सिंह धामी रहेका छन् । ईलाका प्रहरी कार्यालय मालाखेती र प्रहरीको सुदूरपश्चिम प्रदेश अनुसन्धान समूहको संयुक्त टोलीले विशेष सूचनाका आधारमा उनीहरु पक्राउ परेको मालाखेतीका प्रमुख एवं प्रहरी नायब उपरीक्षक ज्ञानबहादुर विष्टले जानकारी दिए ।

यसैबीच, कञ्चनपुरमा एक युवक मृत अवस्थामा भेटिएका छन् । जिल्लाको बेदकोट नगरपालिका–१० को सिसैया चौराह नजिकैको नहरमा अन्दाजी १९ वर्षिया सन्तोश पन्त मृत अवस्थामा भेटिएको जिल्ला प्रहरी कार्यालय कञ्चनपुरका प्रवक्ता प्रहरी नायब उपरिक्षक नरेन्द्रबहादुर चन्दले जानकारी दिए । युवकको ठेगाना भने खुल्न सकेको छैन । घटनाको थप अनुसन्धान भइरहेको उपरीक्षक चन्दले जानकारी दिए ।