बाँके । कम्प्यूटर एशोसियशन नेपाल (क्यान)को २६ वर्षे इतिहासमा काठमाडौ बाहिरबाट पहिलो पटक केन्द्रिय बरिष्ठ उपाध्यक्ष नवराज कुँवरले नेतृत्वमा दावी गरेका छन् । आगामी मंसिर ७ गते क्यान महासंघको १३ औं कार्यसमितिको निर्वाचन हुँदैछ । सो निर्वाचनले केन्द्रिय बरिष्ठ उपाध्यक्ष कुँवरलाई क्यानको नेतृत्वका लागि चुन्ने छ ।

केन्द्रिय बरिष्ठ उपाध्यक्ष कुँवरले २६ बर्षपछि क्यानको केन्द्रिय अध्यक्षमा दाबी गरेसँगै जित निश्चित रहेको बताइएको छ । उम्मेवदवारीको आधिकारीक घोषणा गरी कुँवरले अध्यक्षको पद दाबी पेश गरेसँगै केन्द्रिय बरिष्ठ उपाध्यक्ष कुँवर अहिले चुनावी अभियानमा निकै व्यस्त बनेका छन् । निर्वाचन प्रक्रिया भएकोले बताउँदै क्यान स्रोतले कुँवर विजयी भएको घोषणा गर्न मात्रै बाँकी रहेको बताएको छ ।

विसं. २०५२ देखि क्यानको सदस्य रहेका कुँवरले २०५७ सालमा लुम्बिनी अञ्चलका सूचना प्रविधि व्यवसायीलाई संगठित गरी आफ्नो अध्यक्षतामा क्यान लुम्बिनी संस्था गठन गर्दै क्यानको पहिलो शाखाको रुपमा सदस्यता दिलाएका थिए । विगत डेढ दशकदेखि क्यानको केन्द्रीय समितिमा रहेर कामको अनुभव संगालेको कुँवर उम्मेदवारी दिनेमध्येका सबैभन्दा पूरानो पदाधिकारी हुन् ।

हाल बरिष्ठ उपाध्यक्ष भएकोले पनि आफ्नो उम्मेदबारी स्वाभाविक रहेको कुँवरको भनाई छ । ंक्यान महासंघको केन्द्रिय अध्यक्षमा उम्मेदवारीको घोषणा गरेका नवराज कुँवरले सूचना प्रविधिको प्रयोगलाई बढाएर लैजानुपर्ने बताएका छन् । राष्ट्ले अघि सारेको आर्थिक समृद्धिको यात्रालाई पूरा गर्नका लागि पनि प्रविधिको प्रयोग सहयोगी हुने उनको भनाई छ ।

राजधानी र प्रदेशमा क्यान फेडेरेशनको बलियो उपस्थिती हुन जरुरी भएको र त्यसले सरकारसँग सहकार्य गर्नुपर्ने उनले बताए । ‘७७ ओटै जिल्लामा क्यान महासंघका शाखा पुर्याई मुलुकमा सूचना प्रविधिको विकासलाई नयाँ चरणमा प्रवेश गराउने सोचका साथ मैले सूचनाप्रविधि व्यवसायीको छाता संस्थाको रुपमा रहेको क्यान महासंघको अध्यक्ष पदमा दावेदारी पेश गरेको हुँ,’ कुँवरले भने ।

सूचना प्रविधि सम्बन्धि सामान एवं सेवा आयात र निर्यात मा देखिएको समस्या तथा ब्रोडव्याण्ड कनेक्टिभिटि सञ्चालनमा रहेको अव्यवहारीक कर नितिलाई सरकारसंग छलफल गरि समाधान गर्ने पहल गरिने समेत कुँवरको भनाई छ । आफू निर्वाचित भएमा केन्द्र र सातै प्रदेशमा क्यान फेडेरेशनको आफ्नै भवन तथा पूर्वाधार तयार गर्ने र प्रादेशिक सचिवालय स्थापना गर्ने कार्यलाई प्राथमिकता दिने कुँवरले बताएका छन् ।

नेपालको सबैभन्दा ठूलो सूचनाप्रविधि मेला क्यान इन्फोटेकलाई अझ परिष्कृत र विकसित बनाउने र यसलाई सातै प्रदेशमा विस्तार गर्ने योजना पनि उनले अघि सारेका छन् । त्यसैगरी, नेपाल भ्रमण वर्ष २०२० लाई सफल बनाउन सूचनाप्रविधि (आईटी) र पर्यटन प्रविधि (टीटी)लाई सम्बोधन गर्ने गरी गण्डकी प्रदेशको राजधानी पोखरामा अन्तरराष्ट्रिय सम्मेलन आयोजना गर्नेछौं, उनले भने ।

सूचना प्रविधिका विभिन्न क्षेत्रको विकासका लागि अन्तरराष्ट्रिय सहयोग जुटाउन आफूले पहल गर्ने र सूचना प्रविधिको हस्तान्तरण गरी मुलुकको विकासमा टेवा पु¥याउनका लागि नेपालमा भएका कुटनीतिक नियोगसँग छलफल गरी काम अगाडि बढाउन पहल गर्ने पनि उनले बताए । कुँवरका अनुसार गैरआवासीय नेपाली मार्फत सूचना प्रविधिका कम्पनीमा विदेशी लगानी भित्राउन आवश्यक कदम चालिनेछ र विदेशिएको युवा जनशक्तिलाई सूचना प्रविधिको क्षेत्रमा स्वदेशमै रोजगारी सृजना हुने वातावरणको खोजि गरिने छ ।

‘हामीले नेपाली उद्यमी व्यवसायी तथा सफ्टवेयर कम्पनीलाई सूचना प्रविधि सम्बन्धी अन्र्तराष्ट्रिय मेला तथा प्रदर्शनीमा सहभागिता तथा अवलोकनका लागि सहयोग गर्ने योजना पनि बनाएका छौं,’ उनले भने । सातै प्रदेशमा विस्तार भएको महासंघले हालसम्म ५७ जिल्लामा उपस्थिति जनाइसकेको छ भने करीब ५ हजार सदस्यहरु यसमा आवद्ध छन् । मुलुकले संघीय संरचना अनुसरण गरे अनुरुप क्यान फेडेरेशनले पनि आफूलाई त्यही स्वरुपमा ढाल्दै लगेको छ ।

राष्ट्रिय सूचनाप्रविधि नीति तथा कार्यक्रममा सरकारलाई परामर्श दिने तथा सहकार्य गर्ने, मुलुकमा यस क्षेत्रका लागि व्यावसायिक वातावरण निर्माणका लागि प्रयासरत रहने, व्यवसायीको हकहीतका लागि निरन्तर काम गर्ने तथा अन्तरराष्ट्रिय क्षेत्रमा सहकार्य गर्नेजस्ता कार्यमार्फत क्यानले आफूलाई यस क्षेत्रको सशक्त संस्थाको रुपमा उभ्याउन सफल भएको छ । क्यानलाई त्यसै दिशामा अझ प्रभावकारी ढंगले अगाडि बढाउने आफ्नो योजना रहेको पनि कुँवरले बताए ।

स्थागत प्यालनमा कहाँबाट को को उम्मेदवार ?

कुँवर आफ्नो समुहबाट संस्थागत साधारण समुहबाट राजन कर्मचार्य, अमित सराफ, राजेश अग्रवाल, शंकर श्रेष्ठ, शर्मिला भुजेल, निरञ्जन पटेल, सुरेन्द्र न्यौपाने, संस्थागत आजिवन समुहबाट डा.पवनकुमार शर्मा, नविन जोशी, राजेन्द्र अर्याल व्यक्तिगत आजिवन समुहबाट प्रा.डा.शुवर्ण शाक्य, विक्रम श्रेष्ठ, दामोदर अधिकारी व्यक्तिगत साधारण समुहबाट खुसल रेग्मी, रत्नतारा बैद्य, सुवास खड्का, धनश्याम खनाल, श्रवण श्रेष्ठ, श्री पौडेल, दिनेशराज कार्की. वस्तुगत सदस्य समुहबाट नारायणबहादुर थापा, भोजराज भट्ट, चिरञ्जिवी अधिकारी, प्रताप सापकोटा लेखा समितिमा लक्ष्मण यादव (संस्थागत सदस्य समूह), हृदयमान श्रेष्ठ (व्यक्तिगत सदस्य), भिमसेन गिरी (जिल्ला शाखा) जिल्ला शाखा समुहबाटप्रदेश नं २ : दिपेन्द्रराज सिंह र भुपालदास श्रेष्ठप्रदेश नं ३ : शेखरनाथ दुलाल र भानु शर्मा गण्डकी प्रदेश : अशोकबाबु राना प्रदेश नं ५ : रेशम गिरी र ध्रुवराज शर्मा (सुदिप) कर्णाली प्रदेश : दलबहादुर खड्का र भिम मल्ल सुदुरपश्चिम प्रदेश : हर्क सेठ्ठी र खेमराज ढुंगाना उम्मेदवार रहेका छन् ।