फाइल तस्वीर

बझाङ । बझाङमा जीप दुर्घटना हुँदा दुई जना घाइते भएका छन् । दुर्घटनामा खप्तडछान्ना गाउँपालिका–७ का जीप धनी २२ बर्षिय नरेन्द्र बोहरा र सिगास गाउँपालिका–५ बैतडी घर भएका २१ बर्षिय चालक योगेन्द्र धामी घाइते भएका छन् ।

बझाङ खप्तड छान्ना गाउँपालिकाबाट जीप मर्मतका लागि धनगढीतर्फ जाँदै गरेको से१ज ९२२ नम्बरको जीप आइतबार दिउँसो बाजुराको खप्तड छेडेदह गाउँपालिका–७ लमगाउँमा सडकबाट ४० मिटर तल खसेर दुर्घटना भएको प्रहरीले जनाएको छ ।

प्रहरीका अनुसार घाइतेको कम्मर, हात, खुट्टा, टाउँकोमा चोट लागेको जनाइएको छ । घाइतेको सामान्य उपचारपछि थप उपचारका लागि धनगढी लिएको जिल्ला प्रहरी कार्यालय बाजुराले जनाएको छ ।