बाँके । चर्चित गायिका सम्झना भण्डारी र गायक राहुल विकको स्वर रहेको तीजको गीत ‘नेपालको साडी’ले बजार तताएको छ । हिन्दु नारीहरुको महान पर्व तीज नजिकिँदै गर्दा ‘नेपालको साडी’ले बजार तताएको हो ।

शुक्रबार मात्रै सार्वजनीक भएको तीज गीत ‘नेपालको साडी’ले दुई दिनमै चर्चा पाइरहेको छ । गीतको शब्द सिर्जना ओम बिसीले गरेका छन् भने लय ओम बिसी र राहुल बिकले गरेका छन् । गीतमा जीवन, सुजन, रेनु र शारदाको अभिनय रहेको छ ।

अनिल राणाको निर्देशन रहेको गीतको अडियो सम्पादन सन्तोष पौडेलले गरेका छन् । सुरसंगीत डिजिटल रेकर्डिङ स्टुडियोमा रेकर्ड भएको गीत ‘नेपालको साडी’ सम्मान डिजिटलको प्रस्तुती रहेको छ । गीतले राम्रो चर्चा पाउने अपेक्षा गरेको सम्मान डिजिटलकी प्रबन्ध निर्देशक तथा मोडल सजिना लामिछानेले जनाएकी छन् ।