दाङ । ध्वाँसे चितुवाको छालासहित दाङको भालुवाङ्गबाट प्रहरीले तीन जनालाई पक्राउ गरेको छ । राप्ती गाउँपालिका–१ भालुवाङ्गबाट तीन जनालाई पक्राउ गरेको प्रदेश प्रहरी कार्यालय तुल्सीपुरका प्रवक्ता टिकाबहादुर कार्कीले जानकारी दिए ।

राप्ती गाउँपालिकाका २० वर्षिय विष्णु खनाल, २६ वषिय सालिकराम भण्डारी, ३२ वर्षिय पदम भण्डारीलाई प्रहरीले पक्राउ गरेको हो । पक्राउ पर्ने तीनै जनालाई आवश्यक अनुसन्धानका लागि इलाका प्रहरी कार्यालय भालुवाङ्गमा बुझाइएको प्रहरीले जनाएको छ ।