शहरी विकास मन्त्रालयअन्तर्गतको बजेटबाट आगामी वैशाख महीनाबाट सुविधा सम्पन्न सडक स्तरोन्नतिको काम शुरु हुन लागेको नगर प्रमुख नरेन्द्रकुमार गुप्ताले जानकारी दिनुभयो । शहरी शासन तथा पूर्वाधार एकीकृत कार्यक्रमअन्तर्गत ती सबै सडकको स्तरोन्नति गरिनेछ ।

सदरमुकाम परासीदेखि पण्डीपुरसम्म नौ किलोमिटर, परासी–अ‍ैचावल हँुदै पर्सावलको करीब सात किलोमिटर र परासीदेखि पाल्ही क्याम्पस सडक हुँदै कर्मौनीसम्मको सडक सञ्जाललाई स्तरोन्नति गरिनेछ ।

पहिलो चरणमा तीन वडा सडक सञ्जाललाई स्तरोन्नति गरिने र दोस्रो चरणमा अन्य सडकलाई प्राथमिकताका आधारमा स्तरोन्नति गरिने योजना रहेको नगरपालिकाका प्रमुख प्रशासकीय अधिकृत उमेश बस्नेतले जानकारी दिनुभयो ।

उज्यालोका लागि सडकको दुबैतर्फ सौर्य ऊर्जाको प्रयोग जडान गरिने जनाइएको छ । आगामी दुई वर्षमा सडकको स्तरोन्नतिको काम पूरा गर्ने लक्ष्य रहेको रामग्राम नगरपालिकाले जनाएको छ ।  ( रासस )