काठमाडौं । मोडलिङ क्षेत्रमा जमिरहेकी छन् शोम्या लामा । दर्जनौ फेसन तथा र्याप शोहरुमा आफ्नो प्रतिभा पस्किसकेकी शोम्यालाई अब मोडलिङमा मात्र होइन, फिल्मको रंगीन पर्दामा छाउने रहर छ । केही म्युजिक भिडियोमा अभिनय गरेको भए पनि ती भिडियोहरु सार्वजनिक नहुँदा उनको अभिनय क्षमता आम दर्शकमाझ पुग्न सकेको छैन ।
तैपनि उनी आप्नो कला निरन्तर पस्किरहेकी छन् । उनी भन्छिन्, ‘अब फिल्ममा अभिनय गर्ने रहर छ ।’ रोमान्टिक र स्याड दुवै प्रकारको अभिनय गर्न रुचाउने हेटौंडा–११ की शोम्या नृत्यमा पोख्त छिन् । कलाकारिताको क्षेत्रमा निरन्तर संघर्षरत शोम्यालाई अवसरका साथै राम्रो ब्यानरको नजर पर्नुपर्ने आवश्यक छ ।