अमेरिकामा योसी एडलर नाम गरेका एक हवाई यात्रु, उनकी पत्नी, जेनी र तिनीहरूको बच्चालाई नराम्रो गन्ध आएको भन्दै विमानबाट उतारिएको छ । स्थानीय सञ्चारमाध्यमहरूका अनुसार अन्य यात्रुहरूले गुनासो गरेपछि उनीहरूलाई विमान छोड्न भनिएको थियो ।

तर, सो परिवारले भने आफूहरूलाई धार्मिक हिसाबले त्यस्तो व्यवहार गरेको दाबी गरेका छन् । उनीहरू यहुदी धर्मावलम्बी भएका कारण त्यसो गरिएको उनीहरूको आरोप छ । यो घटनाप्रति ती व्यक्तिले आक्रोश व्यक्त गरेका छन्, आफू र आफ्नो परिवारलाई यात्रु र अमेरिकी एयरलाइन्स दुवैले अनुचित व्यवहार गरेको बताएका छन् ।

उता सो परिवारको शरीरको अप्रिय गन्ध भएको आरोप लगाइएको थियो जसले अरूलाई असहज बनाएको विमान प्रशासनले जनाएको छ । सहयात्रीहरूले सानी छोरीसहित विमानमा चढेको सो दम्पतीबाट नराम्रो गन्ध आएको गुनासो गरेपछि उनीहरूलाई बाहिर निकालिएको थियो । उक्त व्यक्तिले आफू र आफ्नो परिवारलाई एयरलाइन्सले नराम्रो व्यवहार गरेको र योजना अनुसार यात्रा गर्न नसकेको गुनासो गरेका छन् ।

उनले भनेका छन्, ‘धार्मिक कारणले गर्दा उनीहरूले मलाई विमानबाट लात हानिरहेका छन् । हामीसँग कुनै गन्ध छैन, ठिक छ ? यहाँ कसैलाई पनि गन्ध छैन । अचानक, उनीहरूले हामीलाई उतार्ने बित्तिकै, उनीहरूले गेट बन्द गरे र त्यसपछि उनीहरूले भने, ‘माफ गर्नुहोस् सर, केही मानिसहरूले तपाईँको शरीरबाट दुर्गन्ध आएको गुनासो गरे र हामी तपाईँलाई यात्रा गर्न दिइरहेका छैनौँ ।’

अमेरिकन एयरलाइन्सले पुष्टि गर्यो कि दम्पती र उनकी छोरीलाई उडानबाट बाहिर निकालिएको थियो, तर उनीहरूका लागि अर्को उडान बुक गरिएको थियो । एयरलाइन्सले उनीहरूलाई उचित व्यवहार गरेको र खानासमेत दिएको बताएको छ ।