नयाँ सिजनको इंग्लीश प्रिमियर लिग फुटबलमा चेल्सीले पहिलो जित निकालेको छ ।

शुक्रबार राति आफ्नै मैदानमा भएको खेलमा चेल्सीले प्रिमियर लिगको नवप्रवेशी टोली लुटनलाई ३–० ले हरायो । चेल्सीको जितमा राहिम स्टर्लीङको दुई तथा निकोलस ज्याक्सनको एक गोल सामेल थियो ।

जारी सिजनको पहिलो खेलमा चेल्सीले लिरभपुलसँग १–१ गोलको बराबरी खेल्दा दोस्रो खेलमा वेष्ट ह्याम युनाइटेडसँग ३–१ को अप्रत्याशित हार वेहोरेको थियो ।

शुक्रबार राति लटन टाउनमाथि हात पारेको जितले चेल्सी प्रशिक्षक मौरिसियो पोचेटिनोमाथिको दबाब घटाएको छ ।