खजुरा गाउँपालिकाले ग्रामीण, शहरउन्मुख बस्तीका मुख्यमुख्य चोकमा हाईमाष्ट लाईटको अवधारणा ल्याएको छ । गाउँपालिकाका ६ स्थानमा हाईमाष्ट लाईट जडान गरिँदैछ ।

बिहीवार राती वडा नम्बर ५ को भट्टी चोकमा हाईमास्ट लाईटको औपचारिक शुभारम्भ गरिएको गाउँपालिकाका अध्यक्ष डम्बर बहादुर बिक(तुफान)ले जानकारी दिए ।

वडा नम्बर २ को रिमझिमचोक, ३ को खजुरा बजारस्थित पृथ्वी चोक, ३ र ४ को सीमा एक नम्बर प्रहरी बिट, ६ को सिमलघारी चोक र ८ को रिहार चोकमा हाईमास्ट लाईट जडान गरिएको छ ।

यसबाट चोकको सौन्दर्यकरणसँगै, सवारी दुर्घटना न्यूनीकरण, चोरीका घटनामा कमी आउने अध्यक्ष विकले बताए ।