चलचित्र ‘क्रस रोड्स–कथा तिम्रो र मेरो’ को पहिलो गीत सार्वजनिक भएको छ ।

सार्वजनिक ‘आज भोलि तिम्रै कुरा’ बोलको गीतमा याङ्की योल्मोको स्वर, अभिषेक रमुदमुको शब्द, संगीत र रेकर्ड रहेकाे हाे । गीतमा चलचित्रकी प्रमुख अभिनेत्री रिस्मा गुरुङ, गौरव मल्ल प्रधान र रिकजंग दोर्जे भुटिया लगायतको अभिनय रहेको छ । गीतको दृश्यमा सिक्किमको लाचुङ, कोलकाता र मिरिकका रमणीय स्थान देख्न सकिन्छ ।

अर्विन्द राज गुरुङको निर्देशनमा तयार भएको यो चलचित्रमा रिस्मा गुरुङ, गौरव मल्ल प्रधान, याङ्की योल्मा, रिकजंग दोर्जे, बुद्धि तामाङ, अम्बिका थापा, शशीकला प्रधान, पवन सुब्बा र एमडी सनीको अभिनय रहेको छ ।

चलचित्रमा सिक्किमका रोविन गुरुङ र दार्जिलिङका शिखर थापा क्षेत्री र अलिसा क्षेत्री लाइन प्रोड्युसर रहेका छन् । चलचित्रमा अर्विन्दराज गुरुङ (अर्विन्द राज प्रोडक्सन), विवेक लामा (गोल्डेन आवर फिल्मस्) र निकी गोले (निरेम प्रोडक्सन) सह निर्माता रहेका छन् ।

चलचित्रलाई भारतको दार्जिलिङ, सिक्किम र कोलकातामा छायांकन गरिएको हो ।