काठमाडौंमा जारी एसीसी प्रिमियर कप क्रिकेटमा बुधबार दुई खेल हुँदैछन् ।

कीर्तिपुरस्थित टियु मैदानमा कुवेत र संयुक्त अरब इमिरेट्स (युएई) बीच प्रतिस्पर्धा हुनेछ । यस्तै, मुलपानी मैदानमा ओमान र कतारबीच प्रतिस्पर्धा हुनेछ ।

दुवै खेल बुधबार बिहान पौने ९ बजे सुरु हुनेछ ।

ओमान र कतार दुवै जितका साथ प्रतियोगिता सुरुवात गर्न चाहन्छन् । यस्तै, युएई र कुवेत पनि जितका साथ प्रतियोगिता सुरूवात गर्न चाहन्छन् ।

मंगलबार त्रिवि क्रिकेट मैदानमा भएको उद्घाटन खेलमा नेपालले मलेसियालाई ६ विकेटले हराएको थियो भने अर्को खेलमा हङकङले सिंगापुरलाई ८ विकेटले हराएको थियो ।