बाँकेको राप्तीसोनारी गाउँपालिका वडा नम्बर ७ मा रहेको फत्तेपुर स्वास्थ्य चौकीमा शुक्रवार सरसफाई कार्यक्रम गरिएको छ ।
नयाँ वर्ष २०८० को अवसरमा राप्तीसाेनारी गाउँपालिका वडा नम्बर ७ ले आयोजना गरेकाे सामाजिक कार्यमा मेरो एक दिने योगदान कार्यक्रम अन्तर्गत स्वास्थ चौकी प्राङ्गणमा सरसफाई गरिएको हो ।
स्वास्थ्य चौकी व्यवस्थापन समितिका अध्यक्ष राम लखन थारुको पहलमा वडा नं. ७ जनप्रतिनिधी, व्यवस्थापन समितिका पदाधिकारी, प्रहरी, कर्मचारी, स्थानीय टोल बिकास समितीका पदाधिकारी, स्थानीय खानेपानी संस्थानका सदस्य महिला स्वास्थ्य स्वयंसेविका र संस्थाका सम्पूर्ण स्वास्थ्यकर्मीहरुको उपस्थतिमा सरसफाई गरिएको हो ।
आजदेखि सुरु भएको सामाजिक कार्यमा मेरो एक दिने योगदान कार्यक्रम प्रत्येक महिनाको अन्तिम शुक्रवार गरिने समितीका अध्यक्ष थारुले जानकारी दिए ।
कार्यक्रममा सहभागी भएकोमा सबैलाई धन्यवाद दिँदै अध्यक्ष थारुले आगामी दिनमा अझ प्रभावकारी बनाउने प्रतिवद्धता जनाए ।
सत्यपाटी संवाददाता । बाँके