शहीद स्मारक ‘ए’ डिभिजन लिगको बाँकी रहेको खेलतालिका सार्वजनिक भएको छ ।

अखिल नेपाल फुटबल संघ (एन्फा) ले बिहीबार लिगको छैटौं देखि १३ औं चरणसम्मको खेलतालिका सार्वजनिक गरेको हो ।

छैटौं चरणका खेलहरु चैत २० गते सोमबारबाट सुरु हुनेछ ।

तालिकाअुनसार छैटौं चरणको पहिलो खेल सोमबार दिउँसो २ बजे संकटा क्लब र एफसी खुमलटारबीच सातदोबाटोस्थित एन्फा कम्प्लेक्समा हुनेछ भने सोमबार दिउँसो २ बजे नै च्यासल खेलमैदानमा एपीएफ क्लब र नेपाल पुलिस क्लबले खेल्नेछन् ।

पाँचौं चरणका खेल सकिँदासम्म रोयल ब्लु सातदोबाटो युथ क्लब अंकतालिकाको शीर्ष स्थानमा छ । सातदोबाटोले पाँचमध्ये चारमा जित र एक खेलमा पराजित भएर १२ अंकले जोडेको छ । मनाङ मर्स्याङ्दी क्लब पाँचमध्ये तीनमा जित र दुईमा बराबरी खेलेर ११ अंकसहित दोस्रो स्थानमा छ ।

नवप्रवेशी क्लब चर्च ब्वाइज युनाईटेड ११ अंक जोडेर तेस्रो स्थानमा रहेको छ भने नेपाल पुलिस क्लब अंक तालिकाको पुछारमा रहेको छ ।

खेल तालिका :

अंकतालिका :