फिल्म ‘बुलाकी’को पहिलो गीत सार्वजनिक गरिएको छ ।

‘नाच सुवा नाच’ बोलको गीतमा सिडी विजय अधिकारी र रचना रिमालले स्वर दिएका छन्  । सार्वजनिक गीतमा  गोविन्द मधुर आचार्यको शब्द रचना तथा संगीत रहेको छ ।

कविराज गहतराजले कोरियोग्राफी गरेको गीतको भिडियोमा फिल्मका प्रमुख अभिनेता नरेन खड्का र अभिनेत्री सुरक्षा पन्त नृत्य गर्दै देखिएका छन् ।

आगामी बैशाख १ गतेबाट प्रदर्शनमा आउन लागेको लक्ष्मण सुनार निर्देशित फिल्ममा टोपेन्द्र विष्टको निर्माण रहेको छ भने विराज विष्ट, रमेश बुढाथोकी, लक्ष्मी गिरी, कुलदीप अधिकारी, सुशील पोखरेल, झलनाथ खत्री, सोनु सेढाइ, धनबहादुर राई, लक्ष्मण देवकोटा, बसन्त उदास, प्रकाश कँडेल र सरस्वती खत्रीको अभिनय छ ।

छत्रेश्वरी म्यानेजमेन्टको ब्यानरमा स्व. मोति बिष्टको प्रस्तुति रहेको फिल्मको छायांकन डोल्पा, जाजरकोट तथा रुकुम पश्चिममा भएको हो ।

शिव ढकालको छायांकन र अर्जुन जिसीको सम्पादन रहेको फिल्ममा राज बहादुर सानेको कथा, सानेसँगै निर्मल पौडेल, निर्देशक सुनार, विराज विष्टको पटकथा तथा संवाद छ ।