सूचनाको शक्ति - The Power Of Information

        

नशामा लट्ठिएर मात्तिने प्रहरी जवान निलम्बित

सत्यपाटी संवाददाता । काठमाडौं

शुक्रबार सप्तरीको राजविराजदेखि भारतीय सीमासम्म जोडने कुनौली सडकमा एक प्रहरी जवान नशामा लट्ठिएर गलत हर्कत देखाएको भिडियो सार्वजनिक भयो ।

मनोज सहनी नामका व्यक्तिले ट्वीटरमा नेपाल प्रहरीको ट्वीटर एकाउन्टमा ह्यासट्याग गरेर सार्वजनिक गरेका उक्त भिडियोबारे बुझ्ने प्रयास गरेको छ । भिडियोमा देखाइएका व्यक्ति प्रहरी जवान सञ्जीवकुमार राय यादव हुन् । उनी सीमा क्षेत्रमा गस्तीमा खटिएका थिए । कसिलो ज्यान भएका यादव प्राय नशामै रहने गरेको एक स्थानीय बताउँछन् ।

आधा शरीर मात्रै ढाक्ने कपडा लगाएर हातमा लौरो लिएर ‘आइज ए कस्ले रेकर्ड गर्न खोजेको एसके यादव हो मेरो नाम ल’ भन्दै उनी त्यहाँको वातावरण अशान्त बनाउँदै हिँडिरहेको देखिन्छ । प्रहरीको काम शान्ति सुरक्षा र अमनचयन कायम गर्नु मुख्य कर्तव्य हो । तर, यादवले नाशामा चुर भएर प्रहरीको मर्यादा विपरीत शान्तिपूर्ण वातावरण खलबलाउँदै गरेको देखिन्छ ।

यसबारे सप्तरी जिल्लाका प्रहरी प्रमुख प्रहरी उपरीक्षक नरेन्द्र कुमार कार्कीसँग बुझ्दा उनले प्रहरी जवान यादवलाई निलम्बन गरिएको जानकारी दिए । उनले भने, ‘प्रहरीको नियमावली विपरित हर्कत गरेका जवान यादवलाई निलम्बन गरिएको छ । उनलाई विभागीय कारबाही हुन्छ ।’

सम्बन्धित शीर्षक

प्रकाशित मिति : २७ फाल्गुन २०७९, शनिबार १६:५०

सिफारिस