प्रदेश-१ का मुख्यमन्त्री हिक्मत कुमार कार्कीले शुक्रबार विश्वासको मत लिनु हुने भएकाे छ ।

मुख्यमन्त्री कार्कीले शुक्रबार दिउँसो १ बजे विश्वासको मत लिने नेकपा एमाले संसदीय दलका प्रमुख सचेतक रेवतीमरण भण्डारीले बताउनुभएकाे हाे ।

६० जना सांसदको समर्थनसहित आइतबार कार्की मुख्यमन्त्रीमा नियुक्त हुनु भएकाे थियाे। एमालेका ४०, नेकपा माओवादी केन्द्रका १३, राष्ट्रिय प्रजातन्त्र पार्टी (राप्रपा) का ६ र जनता समाजवादी पार्टी (जसपा) का एक जना सांसदको समर्थन रहेकाे छ।

सरकारलाई समर्थन जनाए पनि भागबण्डामा असन्तुष्टि जनाउँदै माओवादी केन्द्र सरकारमा भने गएको छैन। सत्तारुढ गठबन्धनका शीर्ष नेताबीच भागबण्डा हुँदा प्रदेश-१ को नेतृत्व पाँच वर्षका लागि एमालेले पाउने सहमति भएको थियो।

तर माओवादी केन्द्र प्रदेश संसदीय दलले प्रदेशको नेतृत्व आधा–आधा कार्यकाल हुनुपर्ने दावी गर्दै सरकारमा सहभागी नभएको हो। माओवादी सरकारमा सहभागी नभए पनि मुख्यमन्त्री कार्कीले राप्रपा र जसपालाई सरकारमा सहभागी गराएर बहुमत सुरक्षित गर्नुभएकाे छ ।