काठमाडौंमा जारी नेपाल टी–ट्वान्टी लिग क्रिकेट प्रतियोगितामा शुक्रबार दुई खेल हुँदैछन् । दुवै खेल कीर्तिपुरस्थित टियु मैदानमा हुनेछ ।

शुक्रबारको पहिलो खेलमा जनकपुर रोयल्स र लुम्बिनी अल स्टारबीच खेल हुँदैछ । खेल बिहान ९ बजेबाट सुरु हुनेछ।

यो खेल जितेर उच्च मनोबलका साथ क्वालिफायर खेल्न लुम्बिनी चाहान्छ । जनकपुर भने यो खेल जितेर दोस्रो स्थान पक्का गर्न चाहान्छ ।

लुम्बिनी १६ अंक सहित अंक तालिकाको शीर्ष स्थानमा रहेको छ । जनकपुर १२ अंक सहित दोस्रो स्थानमा रहेको छ ।

यही संस्करणको पहिलो भेटमा लुम्बिनीले जनकपुरलाई ५ रनले हराएको थियो ।

शुक्रबार नै हुने दोस्रो खेलमा विराटनगर सुपर किंग्स र फार वेस्ट युनाईटेडबीच खेल हुँदैछ । खेल दिउँसो १ बजे बाट सुरु हुनेछ ।

विराटनगर यो खेल जितेर प्लेअफको सम्भाबना मजबुत बनाउन चाहान्छ । फार वेस्टका लागि भने प्लेअफको सम्भावना कायमै राख्न यो खेल जित्नै पर्नेछ ।

विराटनगर ६ अंकसहित चौथो स्थानमा रहेको छ । फार वेस्ट ४ अंकका साथ अंक तालिकाको पुछारमा रहेको छ ।

यही संस्करणको पहिलो भेटमा फार वेस्टलाई विराटनगरले ६ विकेटले हराएको थियो ।