‘तिम्रै ज्यानको खाँचो छ,’ भन्दै नेपाली सांगीतिक क्षेत्रकी चर्चित गायिका पारु खड्काले बजारमा नयाँ लोकदोहोरी गीतको म्युजिक भिडियो सार्वजनीक गरेकी छन् । ‘तिम्रै ज्यानको खाँचो छ,’ भन्दै गायिका खड्काले मिलन फिल्म प्रोडक्सनमार्फत नयाँ गीतको म्युजिक भिडियो सार्वजानिक गरेकी हुन् ।

उनका लोकदोहोरी गीतहरु सबै दर्शक तथा श्रोताको नजरमा लोकप्रिय बन्दै गएका छन् । नेपाली गीत संगीतको क्षेत्रमा एकपछि अर्को गर्दै निकै उत्कृष्ट गीतसंगीत बजारमा ल्याइरहेकी गायिका खड्काले गत सातामात्रै लोकप्रिय गीत ‘ज्यान तिम्रै खाँचो छ’ को म्युजिक भिडियो सार्वजनिक गरेकी हुन् ।

गीत सार्वजनीक भएसँगै सांगीतिक क्षेत्रमा गायिका खड्काको चर्चा परिचर्चा भइरहेको छ । दोलखामा जन्मेकी गायिका खड्काले दर्जनौं गीतमा आफ्नो आवाज दिएर चर्चा बटुलिरहेकी छन् । पछिल्लो समय गत सातामात्रै सार्वजनीक भएको ‘तिम्रै ज्यानको खाँचो छ,’ गीतको म्युजिक भिडियो सार्वजनीक भएपछि गायिका खड्काले पुनः चर्चा बटुलिरहेकी छन् ।

खासगरी काठे क्षेत्रका गीत संगीतमा लगाव राख्ने गायिका खड्का दर्शक तथा श्रोताले सांगीतिक बजारमा निकै रुचाएकी गायिका मध्येमा पर्छिन् । माया प्रेममा बिछोडले भरिएका गीत साथै आफनो गाउँठाउँलाई समेटेर तयार गरिएका गीतहरुमा पनि उत्तिकै मिठास र सुमधुर आवाज दिएर गायिका खड्का चर्चित बनेकी छन् ।

‘तिम्रै ज्यानको खाँचो छ,’ गीतको शब्द गायिका खड्काको आफ्नै रहेको छ भने संगीत सन्तोष बिसीले भरेका छन् । गीतमा गायिका खड्का र सन्तोष बिसीको सुमधुर आवाज रहेको छ । गीतको म्युजिक भिडियोको निर्देशन मिलन श्रेष्ठले गरेका छन् भने कलाकारहरु अमोन राणा र सञ्चिता बोलाखे लगायतको अभिनय रहेको छ ।