बंगलादेशमा आयोजना हुने साफ यू–२० महिला च्याम्पियनसिप फुटबलको खेल तालिका सार्वजनिक भएको छ ।

दक्षिण एसियाली फुटबल महासंघले बिहीबार साफ यू–२० महिला च्याम्पियनसिपको खेल तालिका सार्वजनिक गरेको हो ।

ढाकामा यही माघ २० गतेदेखि २६ गतेसम्म (फेब्रुअरी ३ देखि ९ तारिखसम्म) आयोजना हुने च्याम्पियनसिपमा च्याम्पियनसिपमा आयोजक बंगलादेशसहित नेपाल, भारत र भुटान गरी जम्मा चार टिमले मात्र प्रतिस्पर्धा गर्नेछन् ।

राउण्ड रोबिन लिगका आधारमा हुने प्रतियोगिताको पहिलो खेलमा नेपालले बंगलादेशको सामना गर्नेछ । यो खेल फेब्रुअरी ३ तारिखमा हुनेछ । यसैगरी नेपालले फेब्रुअरी ५ तारिखमा भुटानसँग खेल्दा ७ तारिखमा भारतको सामना गर्नेछ ।

समुह चरणका शीर्ष दुई टोलीले उपाधिका लागि प्रतिस्पर्धा गर्ने छन् ।