बक्स अफिसमा फ्लप फिल्म कहलिएपछि अभिनेता पुष्प खड्काले ‘कृष्ण लीला’ टिमलाई ३३ प्रतिशत पारिश्रमिक फिर्ता गर्ने भएका छन् ।

फिल्म ‘तिम्रो मेरो साथ’को गीत रिलिजको क्रममा उनले सो रकम फिर्ता गर्ने बताएका हुन् । पत्रकारले प्रश्न गरेपछि उनले उक्त प्रश्नको जवाफ दिदै वचनको पक्का गर्दै पारिश्रमिक फिर्ता गर्ने उनको भनाइ थियो l

फिल्ममा पुष्प खड्का , श्रद्धा क्षेत्री, रवीन्द्र झा, बुद्धि तामाङ, नवीन रेग्मी, भावना गुरुङ लगायतको  अभिनय रहेको थियो । आरआर फिल्म प्रोडक्शनको ब्यानरमा निर्माण भएको फिल्ममा लक्ष्मण सुवेदीको लेखन रहेको छ l

प्रकाशराज कार्की र केबल तामाङको लगानी रहेको ‘कृष्ण लीला’ मा पीताम्बर आचार्य र रोजन श्रेष्ठ सह–निर्माताको रुप्मा छन् ।  फिल्मलाई शिव ढकालले खिचेका हुन् l  फिल्मका निर्देशक  कृष्ण ओलि  हुन् ।