बझाङमा एक जना पुरुष मृत अवस्थामा फेला परेका छन् । जिल्लाको सुर्मा गाँउपालिका वडा नं.२ घोगाणा घर भएका ४५ वर्षका विक्रम बोहरा मृत अवस्थामा फेला पारेका हुन् ।

बुधबार साँझ गाउँतिर घुम्न जाने भनेर घरबाट हिँडेका बोहरा अबेरसम्म घरमा नपुगेपछि उनका आफन्तले खोजी गर्दा विहिबार सोही ठाउँको मेडिखान भन्ने स्थानमा मृत फेला पारेका थिए ।

शवलाई पोष्ट मार्टम गरेर दाहसंस्कारको लागि आफन्तले लगिसकेको बताउँदै घटनाबारे अनुसन्धान चलिरहेको समेत जिल्ला प्रहरी कार्यालय बझाङका सूचना अधिकारी रमेशदत्त अवस्थीले जानकारी दिए ।