काठमाडौं । नेपाली काँग्रेसको केन्द्रीय समिति बैठक आज पनि जारी छ । आजको बैठकमा महामन्त्री शशांक कोइराला र कोषाध्यक्ष सीतादेवी यादवले आफ्नो भनाइहरु राख्नु भएको छ । कोइराला र यादवले बोले लगत्तै अहिले बैठकमा बरिष्ठ नेता रामचन्द्र पौडेलले आफ््ना धारणा राखिरहनु भएको छ । बैठकलाई सम्बोधन गर्दै बरिष्ठ नेता पौडेलले निर्वाचनमा पार्टी पराजयको जिम्मा सभापति शेरबहादुर देउवाले लिनुपर्ने भन्दै अहिलेकै अवस्थामा काँग्रेस अघि बढ्न नसक्ने बताउनुभयो । नेता पौडेलले आफ्नो भनाइ सकाए लगत्तै सभापति देउवाले बैठकमा उठेका प्रश्नको जवाफ दिने प्रवक्ता विश्वप्रकाश शर्माले जानकारी दिए । निर्वाचनको समीक्षा गर्न गत चैत्र ८ गतेदेखि सुरु भएको बैठकलाई सभापति देउवाले सम्बोधन गरेपछि आजै सकाउने तयारी गरिएको छ ।