चितवनको टिकौलीमा एकै चाेटि आठ वटा गाडी एकआपसमा ठोकिएर भएको दुर्घटनामा २० जना घाइते भएका छन् ।

महेन्द्र राजमार्गअन्तर्गत भरतपुर महानगर र रत्ननगर नगरपालिकाबीच पर्ने टिकौली जङ्गलमा आज बुधवार एकै ठाउँमा एउटा क्याम्पसको बसले शव बोकेको जीप र छ वटा मोटरसाइकललाई ठक्कर दिएर दुर्घटना भएको हो ।

घाइतेहरूको भरतपुर अस्पताल र चितवन शिक्षण अस्पतालमा उपचार भइरहेको छ । सात जनाको अवस्था गम्भीर रहेको जिल्ला प्रहरी कार्यालय चितवनका प्रवक्ता एवम् प्रहरी नायब उपरीक्षक (डीएसपी) विजयराज पण्डितले जानकारी दिनुभयो । बस चालकलाई प्रहरीले पक्राउ गरेको छ ।