ललिता निवास प्रकरण : आज स्वदेश फर्किंदै माधव नेपाल
नेकपा एकीकृत समाजवादीका अध्यक्ष एवं पूर्वप्रधानमन्त्री माधवकुमार नेपाल आज आइतबार नेपाल फर्कने भएका छन् ।
स्वीट्जरल्यान्डबाट दुई दिनअघि स्पेन पुगेका नेपाल म्याड्रिडस्थित नेपाली दूतावासमा छन् । आइतबार कतार एयरलाइन्सबाट नेपाल फर्कन लागेका हुन् ।
ललितानिवास जग्गा प्रकरणमा सर्वोच्च अदालतले पिरामिडको माथिल्लो तहसम्म छानबिन गर्न आदेश दिएपछि प्रहरीले उनीसँग पनि बयान लिने तयारी गरेको छ ।
यो प्रकरणमा मुद्दा दर्ता गर्ने अवधि नजिक आइरहँदा विदेश गएपछि आलोचना भएको थियो । यसअघि उनी भदौ १ गते मात्रै स्वदेश फर्किने तालिका थियो ।
सत्यपाटी संवाददाता । काठमाडौं