रगतमा चिनीको मात्रा नियन्त्रण गर्न यो तरकारी खानुहोस्
कहिले काहीँ औषधीले काम नगरेका रोगहरु केही समान्य हामीले खाइरहने खानेकुराहरुले पनि नियन्त्रण गर्न सक्छ ।
हो कोलेस्ट्रोल नियन्त्रणका लागि औषधी झै सावित भएको छ तितेकरेला । करेला खान धेरैलाई मन पर्दैन । वास्तवमा, यसको तितो स्वादको कारण यो तरकारी थोरै मानिसहरूलाई मात्र यो मन पर्ने गर्दछ ।
तर करेला खानुका यति धेरै फाइदाहरू छन् कि तपाईलाई थाहा पाउँदा छक्क पर्नुहुनेछ । यस तरकारीमा भिटामिन सी, जिंक, पोटासियम, आइरन जस्ता पोषक तत्व पाइन्छ । मधुमेहका बिरामीका लागि यो कुनै वरदानभन्दा कम छैन ।
यति मात्र होइन, यो तौल घटाउनमा पनि प्रभावकारी मानिन्छ । करेलाका अन्य धेरै फाइदाहरू छन् । त्यसोभए जानौं, यो तरकारीका धेरै फाइदाहरू ।
करेलाको स्वाद तितो भए पनि मधुमेहका बिरामीका लागि यो निकै फाइदाजनक हुन्छ । यसमा पाइने चरेन्टिन र पोलिपेप्टाइड पीले रगतमा चिनीको मात्रा नियन्त्रणमा सुधार गर्छ । मधुमेहको समस्या भएकाहरूले आफ्नो आहारमा करेला समावेश गर्नुपर्छ ।
करेलामा क्यालोरी कम हुन्छ र यसमा फाइबर पर्याप्त मात्रामा पाइन्छ । यो खाँदा लामो समयसम्म पेट भरि रहन्छ र यसले तौल घटाउन पनि मद्दत गर्छ । तपाईंले आफ्नो वजन घटाने यात्रामा करेला समावेश गर्नुपर्छ ।
करेलाले कोलेस्ट्रोलको मात्रा घटाउन मद्दत गर्छ । यसले मुटुसँग सम्बन्धित रोगहरू कम गर्छ । यसमा यौगिकहरू छन् जसले कलेजोमा कोलेस्ट्रोल संश्लेषणलाई रोक्न सक्छ । स्वस्थ रहनको लागि करेलालाई आहारको एक हिस्सा बनाउनै पर्छ ।
करेलामा फाइबर पर्याप्त हुन्छ । यसले पाचन प्रणालीलाई स्वस्थ राख्छ, पेटको स्वास्थ्यलाई बढावा दिन्छ। कब्जियतको समस्या भएकाहरूका लागि करेला रामबाण साबित हुन सक्छ ।
करेलामा भिटामिन सी पाइन्छ । जसले प्रतिरक्षा प्रणालीलाई बलियो बनाउन मद्दत गर्छ । यसबाट धेरै प्रकारका संक्रमण र रोगबाट बच्न सकिन्छ ।
सत्यपाटी संवाददाता । काठमाडौं