बैतडीमा वृद्धभत्ता बुझेर घर फर्किँदै गरेका एक वृद्धकाे बाटाेमै ज्यान गएकाे छ । पञ्चेश्वर गाउँपालिका-६ रोडीदवल बस्ने ७१ वर्षीय धनसिंह भण्डारी गोगनपानी भन्ने ठाउँमा मृत भेटिनुभएकाे हाे ।

पञ्चेश्वर गाउँपालिकाको वडा नम्बर ३ कुलाउँमा रहेकाे नविल बैंकबाट वृद्धभत्ता बुझेका भण्डारी हिजाे बेलुकीसम्म घर नपुगेपछि खाेजी गर्दा मृत भेटिनुभएकाे हाे । उहाँकाे शव आज बिहान फेला परेकाे हाे ।

भण्डारी झन्डै ६ घण्टा हिँडेर भत्ता लिन जानुभएकाे थियाे ।