फिल्म ‘जय हो’को नयाँ गीत ‘राजा-रानी’ सार्वजनिक गरिएको छ ।

सार्वजनिक गीतमा गीतमा सागर आले मगर र सदिक्ष्या कट्टेलको स्वर छ भने सागर स्वयंको शब्द तथा सङ्गीत छ । गीतको भिडियोमा अभिनेता सलोन बस्नेत र अभिनेत्री केकी अधिकारी रोमान्टिक देखिएका छन् ।

सलोन सलिना फिल्म्सको व्यानरमा निर्माण भएको फिल्मलाई टेक पौरखी राईले निर्देशन गरेका हुन् । फिल्ममा सुरेश न्यौपानेको कथा लेखन, सौरभ लामाको छायांकन, शम्भुजित बाँस्कोटा र सागर आले मगरको सङ्गीत छ ।

फिल्मका निर्माता राज के अधिकारी र सुरज सरकार हुन् ।

आगामी भदौ ८ गतेबाट प्रदर्शनमा आउन लागेको फिल्ममा केकी र सलोनसँगै माओत्से गुरुङ, निशा अधिकारी, अर्पण थापा, प्रेम पाण्डे, दिपा शाक्य श्रेष्ठ, सुवी मगर, सुमिन गुरुङ, सुशान्त श्रेष्ठको पनि अभिनय रहेको छ ।

शोभित बस्नेत प्रस्तुतकर्ता रहेको फिल्ममा सम्राट् बस्नेतको द्वन्द्व निर्देशन रहेको छ ।