काभा नेसन्स लिग पुरुष भलिबल लिगको दोस्रो खेलमा नेपालले सोमबार घरेलु टोली कीर्गिस्तानसँग खेल्नेछ ।

पहिलो खेलमा आइतबार मंगोलियासँग हारेको नेपाल सोमबार जित निकाल्ने योजनामा रहेको छ । किर्गिस्तानको राजधानी बिस्केकमा आइतबारबाट सुरु भएको प्रतियोगितामा नेपालले विजयी सुरुवात गर्न सकेन ।

आइतबारकोे खेलमा नेपाललाई मंगोलियाले ३–१ को सेटमा हरायो । मंगोलियाले नेपाललाई २५–१९, २५–२०, २५–२७ र २५–२० ले हराएको हो । काभा नेसन्स लिगमा ६ देशका ७ टोलीको सहभागिता रहेको छ ।

लिग चरणको समाप्तीपछि शीर्ष दुई टोलीले उपाधिका लागि खेल्नेछन् ।