सेन्ट्रल एसियन भलिबल एसाेसिएशन (काभा) पुरुष भलिबल नेसन्स लिगको आफ्नो पहिलो खेलमा नेपाल मङ्गोलियासँग पराजित भएको छ ।

किर्गिस्तानमा आज आइतवार भएको खेलमा नेपाल मङ्गाेलियासँग ३-१ को सेटमा पराजित भएको हो । मङ्गोलियाले खेलको पहिलो सेट २५-१९ र दोस्रो सेट २५-२० ले आफ्नो पक्षमा पार्‍यो । त्यस्तै खेलको तेस्रो सेट भने नेपालले जित्यो । नेपालले २७-२५ ले आफ्नो पक्षमा पार्‍यो तर खेलको चौथो सेटमा मङ्गोलिया २५-२० ले विजयी भयो ।

प्रतियाेगितामा अब नेपालले भाेलि साेमवार आयाेजक किर्गिस्तानसँग खेल्नेछ ।