के यौन लतलाई रोगको रूपमा हेर्नुपर्छ? ‘लभ हर्मोन’ अक्सिटोसिनको उच्च मात्राका कारण यौन लत ‘वास्तविक’ भएको एक अनुसन्धानले देखाएको छ ।

यद्यपि, केही विशेषज्ञहरूले यस अनुसन्धानको नतिजालाई स्वीकार गरेका छैनन् । उनीहरु भन्छन्, ‘यौन लत रोग होइन कमजोरी हो ।’ यौन लत भएका पुरुषहरूको अवस्थालाई हाइपरसेक्सुअल डिसअर्डर पनि भनिन्छ ।

रगत परीक्षणमा अक्सिटोसिन

‘डेली मेल’ मा प्रकाशित समाचारका अनुसार अनुसन्धानका क्रममा यौन दुर्व्यसनबाट पीडित सामान्य पुरुषको रगत परीक्षण गरिएको थियो । वैज्ञानिकहरूले पत्ता लगाए कि यौन लत भएका पुरुषहरूमा अरूको तुलनामा अक्सिटोसिनको उच्च स्तर थियो ।

यौन लत पूर्णतया जैविक अवस्था हो । यसमा सम्बन्धित व्यक्तिको कुनै गल्ती छैन र यसका लागि उनीहरुलाई दोष दिनु गलत हुने विज्ञहरु बताउँछन् । तर, डा. म्याक्स पेम्बर्टनको सोच फरक छ ।

रिह्याब क्लिनिक लगायतका यौन दुर्व्यसन उद्योगले यौन दुर्व्यसनलाई मेडिकल कन्डिसन बनाउन खोजेको उनको भनाइ छ । तर, त्यसो भए बलात्कारीहरू मेडिकल आधारमा सजिलै उन्मुक्ति पाउनेछन् ।

उही समयमा, अनुसन्धानमा संलग्न वैज्ञानिकहरू भन्छन् कि उनीहरूको खोजले हाइपरसेक्सुअल डिसअर्डर भएका मानिसहरूलाई अक्सिटोसिन ब्लक गर्न मद्दत गर्ने औषधिको विकास गर्न सक्छ। पेम्बर्टनका अनुसार उच्च अक्सिटोसिन यौन लतसँग सम्बन्धित छ । तर, प्रत्यक्ष रूपमा यसको कारण होइन ।

त्यसैले धेरै यौन क्रियाकलापमा संलग्न मानिसमा यसको स्तर बढ्न सक्ने पनि सम्भावना हुन्छ । पेम्बर्टनले भने, ‘म यो विश्वास गर्न अस्वीकार गर्छु । एक व्यक्ति आफ्नो हर्मोन नियन्त्रण गर्न असमर्थ हुन्छ र उसको दास बन्छ । हाम्रो व्यवहारमा नियन्त्रण छ । उनले यौन लत रोग नभई कमजोरी भएको र यसलाई रोगका रुपमा लिँदा बलात्कारीलाई भाग्ने मौका मिल्ने स्पष्ट पारे ।