फिल्म ‘परस्त्री’को पहिलो गीत सार्वजनिक गरिएको छ ।

‘माया बस्यो तिमीसँग’ बोलको रोमान्टिक गीतमा फिल्मका मुख्य अभिनेता गौरव विष्ट र अभिनेत्री शिल्पा मास्के फिचर्ड छन् । केके ब्रदर्स (कोशिश र केतन)को शब्द रचना तथा संगीत रहेको गीतमा केतन क्षेत्री र निखिता थापाको स्वर छ ।

डिएस डिजिटलको ब्यानरमा निर्माण भएको फिल्मको कथा  निर्देशक दीपेन्द्र के. खनालले लेखेका हुन् भने फिल्मको निर्देशन सुरज पाण्डेले गरेका छ्न् ।

थ्रिलर जनरामा निर्माण भएको फिल्मले विवाहेत्तर सम्बन्धले निम्त्याउने पारिवारिक र सामाजिक संकटको कथालाई उठान गरेको छ ।

हिन्दी डबसहित भारतका हलमा समेत प्रदर्शन गर्न लागिएको ‘परस्त्री’मा कोशिश क्षेत्री, एलिसा क्षेत्री, अशान्त शर्मा, रामबाबु रेग्मी, गीत विष्ट, सरस्वती अधिकारी, अर्पित न्यौपानेलगायतको पनि अभिनय रहेको छ ।

शर्मिला पाण्डे निर्माता रहेको फिल्मको अहिले भारतको एक स्टुडियोमा हिन्दी डबको काम भैरहेको छ ।आगामी असार १५ गतेबाट फिल्म प्रदर्शनमा आउनेछ ।