यही मंगलबार ताप्लेजुङको फुङ्लिङ जान लागेका एकजना यात्रुलाई जहाजको ढोकामा पुगिसकेको अवस्थामा रोकेपछि नेपाल वायु सेवा निगमका कर्मचारीको सरुवा भएको छ ।

जेठ १७ काठमाडौंबाट ताप्लेजुङ उडानका लागि निगमको टिकट काटेर बोर्डिङ पाससमेत लिइ विमानस्थलभित्र जहाजको ढोकामा पुगेका वृद्ध ठाकुरसिंह भण्डारीलाई फर्काइएपछि ती कर्मचारीको सरुवा गरिएको हो ।

विमानस्थलबाट सिस्टममा नाम नभएको भनी ती वृद्ध यात्रुलाई घर फर्काउने निगमका ती कर्मचारी गगनबहादुर चन्दलाई ताप्लेजुङ नै सरुवा गरिएको हो । घटनापछि यसबारे गुनासो आएकोले निगमका सम्बन्धित कर्मचारी चन्दले चित्त बुझ्दो जवाफ नदिएपछि सरुवा गरिएको हो ।

त्यसबेलाका युनिट ईन्चार्जसमेत रहेका चन्दलाई सोधपुछ गर्दा चित्तबुझ्दो जवाफ नआएले कारवाहीस्वरुप काठमाडौंबाट ताप्लेजुङ विमानस्थलमा सरुवा गरी थप अनुसन्धान भइरहेको पर्यटन मन्त्री सुदन किरातीले बताएका छन् ।