कोहलपुरमा त्रिभुवन विश्वविद्यालय क्षेत्रीय परीक्षा नियन्त्रण कार्यालयको भवन शिलान्यास गरिएको छ ।

कोहलपुर नगरपालिका वडा नम्बर २ मा बन्न लागेको भवनको कोहलपुर नगरपालिकाका नगर प्रमुख पूर्णप्रसाद आचार्यले शिलान्यास गरेका हुन् ।

त्रिभुवन विश्व विद्यालय परीक्षा नियन्त्रण कार्यालय बल्खुका परीक्षा नियन्त्रक पुष्पराज जोशीको सभापतित्वमा सम्पन्न शिलान्यास कार्यक्रममा वडा नम्बर २ का वडा अध्यक्ष हरिसिंह कठायत लगायत बाँके र बर्दियाका २५ बढी क्याम्पसका क्याम्पस प्रमुखहरुको उपस्थिति थियो ।

कार्यक्रमको सञ्चालन क्षेत्रीय परीक्षा नियन्त्रण कार्यालयका सह–परीक्षा नियन्त्रक सुमन गौतमले गरेका थिए ।