गतबर्ष रिलिज भएको फिल्म ‘चिसो मान्छे’ पनि नायिका स्वस्तिमा खड्काको नयाँ फिल्म रिलिज भएको छैन । तर, स्वस्तिमालाई निरन्तर असफल फिल्म दिएको ट्याग भने लागेको छ । यसैले, स्वस्तिमा आफ्नो आगामी फिल्मका लागि गम्भिर पनि छिन् ।

तर, स्वस्तिमाले काम गरेका र काम गर्न लागेका फिल्मको टिमअप र बिषयवस्तु हेर्दा उनी बलियो पोजिसनमा रहेको वुझ्न सकिन्छ । स्वस्तिमाले फिल्म ‘एैँचोपैँचो’को छायांकन सकेकी छिन् । यो फिल्मलाई कृषा चौलागाँइले निर्देशन गरेकी हुन् ।

फिल्ममा स्वस्तिमा र वर्षा राउतको मुख्य भूमिका छ । कृषाले पनि यो फिल्मलाई आफ्नो ड्रिम प्रोजेक्ट बताएकी छिन् । यसैले, पनि यो फिल्मबाट स्वस्तिमाले पनि आशा गर्ने ठाउँ छ । स्वस्तिमा फिल्म ‘पशुपति प्रसाद २ः भष्मे डन’को छायांकनमा पनि व्यस्त छिन् ।

यो फिल्मलाई दीपेन्द्र के खनालले निर्देशन गरिरहेका छन् । फिल्मलाई लिएर अहिलेबाट नै दर्शकमा व्यग्र प्रतिक्षा छ । यो बर्षकै सर्वाधिक ग्रस गर्ने फिल्मको सूचीमा यो फिल्म पर्छ भन्ने अड्कलबाजी पनि गरिएको छ ।

यसैले स्वस्तिमाको करिअरका लागि यो फिल्म फलदायी बन्ने विश्लेषण गर्न सकिन्छ । स्वस्तिमाले आफ्ना श्रीमान् निश्चल बस्नेतको निर्देशनमा तयार हुन लागेको फिल्म ‘दिमाग खराब’मा काम गर्ने पक्का भएको छ ।

यो फिल्मको टिमअप हेर्दा पनि यसले बक्स अफिसमा बम्पर व्यापार गर्छ भनेर अहिले नै अनुमान गर्न सकिन्छ । स्वस्तिमाका लागि यो बर्ष बक्स अफिसमा सफलताको ह्याट्रिकको बर्ष हुनसक्छ ।