धादिङको धार्केमा पक्की पुलमा भ्वाङ पर्दा भासिँदा पृथ्वी राजमार्गमा आवागमन ठप्प भएको छ । जिल्ला प्रहरी कार्यालय धादिङका अनुसार अपरान्ह ४ बजेदेखि पृथ्वी राजमार्गको धार्केमा आवागमन ठप्प भएको हो ।

धादिङको धुनीवेंशी नगरपालिका र थाक्रे गाउँपालिका जोड्ने पक्की पुलको बीचमा भ्वाङ परेको प्रहरीले जनाएको छ । पुलमा भ्वाङ परेपछि अहिले दुवैतर्फको बाटो बन्द भएको छ भने पुलको मर्मत वा वैकल्पिक मार्गको खोजी भइरहेको प्रहरीले जनाएको छ ।