खराब शुरुआत गरेको नेपाललाई चौथो झड्का,कप्तान रोहित आउट
एसिसी प्रिमियर कप एक दिवसीय क्रिकेट अन्र्तगत कीर्तिपुरस्थित खेल मैदानमा कतारविरुद्ध टस हारेर ब्याटिंग गरिरहेको नेपालले खराब शुरुआत गरेको छ ।
६२ रन जोड्दा नेपालले महत्वपूर्ण चार विकेट गुमाएको छ । पहिलो विकेटको रुपमा कुशल भुर्तेल, दोस्रोमा भीम सार्की,तेस्रोमा आसिफ शेख र चौथोमा रोहित पौडेल आउट भएका छन् ।
यसअघिको खेल पानी परेका कारण रद्ध भएपछि नेपालले साउदी अरबसँग अक बाडेको थियो ।
यससँगै नेपाल सेमीफाइनलमा पुगेको थियो ।
नेपाल रहेको समूह एबाट ओमानले पनि सेमिफाइनलमा स्थान बनाइसकेको छ ।
आज नेपाल कतारलाई जित्दै शीर्ष स्थानका साथ सेमिफाइनल पुग्ने लक्ष्यमा रहने छ ।
उता कतार भने पहिलो जित निकाल्दै प्रतियोगिताबाट बिदा हुन चाहन्छ ।
नेपाल विजयी हुँदा शीर्ष स्थान तथा पराजित हुँदा दोस्रो स्थानमा रहँदै सेमिफाइनलमा प्रतिस्पर्धा गर्ने छ ।
सत्यपाटी संवाददाता । काठमाडौँ