शहीद स्मारक ‘ए’ डिभिजन लिग फुटबलमा मंगलबार तीन खेल हुँदैछ ।

त्रिपुरेश्वरस्थित दशरथ रंगशालामा हुने पहिलो खेलमा फ्रेन्ड्स क्लब र न्युरोड टिम एनआरटीबीच दिउँसो ३ बजे प्रतिस्पर्धा हुनेछ ।

फ्रेन्ड्स र एनआरटी दुवै चौथो जितको खोजीमा हुनेछन् ।

फ्रेन्ड्स ११ अंकका साथ १२ औं स्थानमा रहँदा एनआरटी १३ अंक जोडेर १० औं स्थानमा छ ।

रंगशालामै हुने दोस्रो खेलमा त्रिभुवन आर्मी क्लब र चर्च ब्वाइज युनाईटेड भिड्नेछन् । यो खेल साँझ ६ बजे सुरु हुनेछ ।

आर्मी र चर्च ब्वाइज दुवै पाँचौं जितको खोजीमा हुनेछन् ।

आर्मी १६ अंकका साथ पाँचौं स्थानमा रहँदा चर्च ब्वाइज १८ अंक जोडेर दोस्रो स्थानमा रहेको छ ।

यस्तै, एन्फा कम्प्लेक्समा मनाङ मर्स्याङ्दी क्लब र नेपाल पुलिस क्लबबीच दिउँसो ३ बजे प्रतिस्पर्धा हुनेछ ।

मनाङ पाँचौं र पुलिस दोस्रो जितको खोजीमा हुनेछ ।

मनाङ १५ अंक जोडेर सातौं स्थानमा रहेको छ भने पुलिस ६ अंक जोडेर पुछारमा रहेको छ ।